विजय थापा : अमेरिकाको बिभिन्न शहरहरु मध्ये नेपाली समुदायको बाक्लो जन घनत्व भएको बोस्टनका नेपाली समुदायलाई नेपाली महिला बिश्व संजाल ( नेपाली वुमन ग्लोबल नेटवर्क ) को पहलमा डिसेम्बर ६ तारिख निशुल्क दन्त्य स्वास्थ्य शिबिर सेवा सफलता पुर्वक सम्पन्न गरेको छ ।
उक्त दन्त्य उपचार स्वास्थ्य शिबिर कार्यक्रममा डा गंगा सुबेदी पहाडी तथा डा समीरा सलारीले करिब ६० जना दात सम्बन्धि समस्या भएकाहरुलाई जाच गर्दै उपचार गर्नु भएको थियो । स्वास्थ्य शिबिर बिहान ११ बजे देखि दिउसो ३ बजे सम्म चलेको एन डब्लु इ एनका सभापति रुकमणि कार्कीले बताइन ।
उक्त कार्यक्रममा बिमा संस्थाका तर्फबाट बिमा बारेमा जानकारी दिनुको साथै अप्रवासन सम्बन्धि प्रकाश पारेका थिए भने कसरि आबेदन भर्ने आदि कुराहरु पनि उक्त सिविरमा जानकारी गराईएको थियो ।उपचार गराएर फर्किएका सहभागीले उक्त दन्त्य सिविर हरेक बर्ष आयोजना गरोस भनि आग्रह साथ अतिरिक्त सिविर पनि चलाउन सके राम्रो हुने सल्लाह दिएका थिए ।
सभापति रुकमणि कार्कीले अमेरिकामा दन्त्य उपचार निक्कै महंगो पर्ने भएकोले संस्थाले यस्तो कार्यक्रमको आयोजना गरि नेपाली समुदायले फाईदा उठाउन भन्ने उदेश्यले गरिएको जनाईन ।
