गजल By, सावित्रा लुइँटेल घिमिरे

बिवस्ताको हुरी बतास जति चले पनि
अघि बढुन तिम्रा पाईला आकाश ढले पनि ||

साथ छोड्ने छैन तिम्रो जुनी जुनी सम्म
ममताको कमी हुन्न यो ज्यान गले पनि ||

आशा अनि बिश्वाश गर्छु संधै तिमीलाई
 दुनियाँले आशंकाको मोसो दले पनि ||

जिन्दगीमा अफ्ठेरा पल जति सुकै आउँन
डग्न दिन्नौ इमान भाग्यले नै छले पनि ||

धर्ति होस तिम्रो मुटु आकाश तिम्रो छाती
सहन शक्ती मिलोस मन्मा आगो बले पनि ||