जिल्लाका विभिन्न गाउँका दुई हजार ७०० जनाले दन्त उपचार सेवा पाएका छन् । सौराहास्थित सपना भिलेज सोसल इम्प्याक्ट, जर्मनी संस्था ओपन आइज तथा नेपाल डेन्टल एसोसिएसनको प्राविधिक संयुक्त आयोजनामा भएको छदिने दन्त शिविरमा ग्रामीण भेगका बासिन्दाले दन्त उपचार सेवा पाएका हुन् ।
सेवा लिएकामध्ये एक हजार ४०० जनाको दाँतको विशेष उपचार गरिएको सोसियल इम्प्याक्टका अध्यक्ष धु्रव गिरीले जानकारी दिए । पूर्वी चितवनको बछ्यौली, कुमरोज र चित्रसारी दक्षिण चितवनको माडी, पश्चिम चितवनको मङ्गलपुर तथा नवलपरासीको दुम्कौलीस्थित मुसहर बस्तीमा सञ्चालन गरिएको शिविरमा नेपाली र जर्मनी चिकित्सकले उपचार सेवा प्रदान गरेका थिए । रासस:
