गजल By, मानन्धर अभागी
जिन्दगीमा आजकाल किन होला सुनसान छ
आज आफ्नै सरकार किन होला वेइमान छ
प्रमाणपत्र यो हातमा कोही छैन मेरो साथमा
जागिरको त्यो खोजीमा सँधैसँधै हैरान छ
हामीकहाँ काम छैन भन मात्र तयार छ
खाडीलाई जरुरी परे म जस्तो जवान छ
हाम्रो आफ्नो यो देशको सरकार गलत छ
कागजमा मात्र लेख्यो जहाँ त्यो संविधान छ
समय त्यो लम्ब्याउने भित्रभित्रै चालवाजी
मेरो कुरा झुठ्ठा भए साक्षी यो भगवान् छ ।
मानन्धर अभागी
