सरसफाई सम्बन्धि १ दिने तालिम सम्पन्न I

सरोज खनाल : खानेपानी सरसफाई तथा स्वच्छता समन्वय समिती बघौडाको आयोजनामा पुर्ण सरसफाई सम्बन्धि १ दिने तालिम आज बघौडा मध्यवर्ति उपभोक्ता समितीको सभाहलमा सम्पन्न भएको छ । राप्रावि दक्षिण अयोध्यापुरीका प्रधानाध्यापक तथा सरसफाई प्रशिक्षक कृष्ण अधिकारीको प्रमुख आतिथ्यतामा सम्पन्न कार्यक्रममा आफ्नो घर तथा भान्सा वरिपरिको सरसफाई कसरी गर्ने , फोहार व्यवस्थापन गर्ने तरिका, स्वच्छ खानेपानी तथा हात धुने विषयमा छलफल गरिएको थियो । 

त्यस्तै शौचालय निर्माण तथा टोलसरसफाई गर्नुको आवश्यकताको सम्बन्धमा पनि छलफल गरिएको छ । साथै सरसफाईका लागी आफ्नो घर मात्रै सफा भएर नपुग्ने भएकाले त्यसका लागी गाउं टोल नै सरसफाई गर्ने अभियान थाल्नुपर्नेमा जोड दिईएको छ । पछिल्ला समयमा बघौडाको मगुई खोला तथा कल्याणपुरको बाँदरमुढेखोलामा फोहोरजन्य सामान फालिएको पाईएको र अव पनि त्यो क्रम नरोकिएमा जरिवाना तिराउने निर्णय गरिएको छ । 

तालिममा सामाजिक सेवामा लागेका शिवशक्ति आमा समुह, सृजनशिल आमा समुह, युनाईटेड क्लब तथा अगुवा समाजसेवीहरु गरि कुल ३८ जनाको सहभागिता रहेको थियो । सरसफाई प्रशिक्षक कृष्ण अधिकारी र शशिधर बरालले प्रशिक्षण दिनुभएको तालिममा सहभागिका तर्फबाट सुभद्रा शर्मा र भविश्वर भुसालले बोल्नुभएको थियो । तालिम खानेपानी सरसफाई तथा स्वच्छता समन्वय समिती बघौडाका सदस्य तथा पुर्व गाविस अध्यक्ष भुवानी प्रसाद पौडेलको अध्यक्षतामा सम्पन्न भएको थियो ।