गजल :
मान्छेको याँ जिन्दगी जिन्दगी जस्तो लाग्दैन
विहान खाइ वेलुका चुल्होमा भात पाक्दैन
योग्यता प्रमाणपत्र बोकी कामको खोजीमा
हार खाएपनि विदेश , मर्छ बरु उ भाग्दैन
एक गाँसको निम्ति लेखा जोखा नै भएन
यति हण्डर खाएछ र पनि उ थाक्दैन
भगवान्को पाउमा कयौं टाउको ठोकाएर
रगत चढाइ सक्यो भगवान् त्यो जाग्दैन
पाठशालामा सिकेको विर्सेको छैन अझैपनि
दयाको भीख मागेर उ सुखभोग माग्दैन ।
मानन्धर अभागी
