गज़ल :
नभन्दै रुवाएर आयो तिहार
सिरानी भिजाएर आयो तिहार
न बैनी,दिदी नै भए साथ मेरो
सहारा छुटाएर आयो तिहार
न बैनी,दिदी नै भए साथ मेरो
सहारा छुटाएर आयो तिहार
न टीका छ याहाँ न माला उनेको
असाध्यै दुखाएर आयो तिहार
नयन्मा घुमे सेल,रोटी,अनर्सा
नियाँस्रो लगाएर आयो तिहार
बलेनन् कुनै दीप पाला भरेका
उज्यालो हराएर आयो तिहार
कहानी भए आज भैली र देउसी
खुसी त्यो धपाएर आयो तिहार
थियो भाग्य दोषी र डाँडा कटायो
विगतले सताएर आयो तिहार
शुभेच्छा गरेको छु "कोमल"मनैले
मनाऔँ रमाएर आयो तिहार
( भुजङ्गप्रयात छन्द )
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
