त्रिभुवन विमान स्थलको धावन मार्गको अबस्था र त्यसको गुणस्तरलाइ लएर अख्तियार दुरुपयोग अनुसन्धान आयोगले छानबिन सुरु गरेको छ ।
अख्तियार टोलीले विमान स्थलको धावन मार्गको कालो पत्रे उक्किएको र चर्किएको विषयलाई लिएर स्थलगत अनुगमन सुरु गरेको हो ।
उक्त स्थानको कालो पत्रे उक्कियेर खाल्डो परेका कारण विमान उडान र अवतरणमा प्रभावित भएको सुचना प्राप्त भए पछि स्थलगत अनुगमन गरेको अख्तियारले जनाएको छ । विमान स्थलको निरीक्षण र अनुगमन गर्न खटिएको टोलीले प्रतिबेदन दिएपछि धावन मार्गको अबस्था, निर्माण मा र गुणस्तरको बारेमा थप अनुसन्धान र छानबिन गरिने अख्तियार का प्रबक्ता श्रीधन सापकोटाले बताएका छन् ।
