समुन्द्रमा उर्लिएको छाल झैँ छ जीवन
टुटिहाल्ने माकुराको जाल झैँ छ जीवन
मर्न पनि नसकेको बाँचेको नि होइन
हिंउदमा घिरौँलाको झाल झैँ छ जीवन
लोभ,लालच,तिर्सनाले घेरेको छ टन्नै
फोहरमैला,दुर्गन्धको ताल झैँ छ जीवन
निलेकाछन् घाम,पानी,हूरी,वतास मिल्दै
जताततै चुहिएको पाल झैँ छ जीवन
जति च्याँखे थापे पनि बल्झिंदैन कहिल्यै
सधैँ हार्ने जूवा तासको खाल झैँ छ जीवन
कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
