ढुंगाको दिल पगाल्न खोज्ने म मुर्ख हैन र
निष्ठूरी लाई समाल्न खोज्ने म मुर्ख हैन र
धपक्क बल्ने पूर्णेको जून टिपौंला भनेर
धर्तीमा तल खसाल्न खोज्ने म मुर्ख हैन र
बसन्त मात्र खोजेर मैल त्यो ऋतु गृष्मलाई
नआऊ भन्दै धकाल्न खोज्ने म मुर्ख हैन र
भमरा लाई पञ्छाइ त्यहाँ टिपेर त्यो फूल
जुठो भो भनि पखाल्न खोज्ने म मुर्ख हैन र
धमिलो होला भनेर पानी त्यो प्यास लागेनि
मूलमा हात नहाल्न खोज्ने म मुर्ख हैन र
ढुंगाको दिल पगाल्न खोज्ने म मुर्ख हैन र
निष्ठूरी लाई समाल्न खोज्ने म मुर्ख हैन र
सोमकृष्ण श्रेष्ठ
भिनपा, २ दोलखा
