अमेरिका ,भर्जिनिया अप्रिल ०१,
नेपाली बिद्यार्थीहरु अध्ययन गर्ने मध्ये कै ख्याती प्राप्त गर्न सकेको जर्ज मेसन बिश्वबिद्यालय ,भर्जिनियामा अध्ययनरत बिद्यार्थीहरुको तेश्रो बार्षिक सांस्कृतिक कार्यक्रम बिबिध कार्यक्रमको साथ आयोजना गरेका छन् ।
टेस्ट अफ नेपाल अर्थात् नेपालको स्वाद अन्तर्गत नेपालका संस्कृति झल्किने ,नेपालका बिभिन्न जातजातिका भेषभुषा ,नृत्य,गीत ,र भेषभुषा प्रदर्शन गर्दै नेपालको परम्परा ,कला र संस्कृतिको प्रबर्धन गरिएको थियो ।
उक्त कार्यक्रममा उक्त बिश्वबिद्यालयका सल्लाहकारहरु डा रमेश पन्त तथा ब्यारी ह्याकले हर्ष व्यक्त गर्दै नेपाली बिद्यार्थीहरुको सरहना गरेका थिए । उक्त कार्यक्रममा अमेरिकाका लागि नेपाली महामहिम राजदूत डा शंकर प्रसाद शर्मा प्रमुख आतिथ्य ग्रहण गर्दै आयोजकलाई धन्यबाद दिनु भएको थियो ।
उक्त कार्यक्रममा वाशिंगटन डिसी वरीपरि बसोबास गर्ने नेपाली समुदाय तथा अभिभावकहरुको भिड रहेको थियो । उक्त कार्यक्रममा अर्चना मानन्धर ,धर्म जोशी तथा शिला चन्दले क्रमस उद्घोषण गएका थिए भने कार्यक्रमको अधक्ष्यता गर्नु भएकी समिक्षा सापकोटाले उपस्थित सबैलाई धन्यबाद ज्ञापन गरेकी थिइन्।
