.PNG)
डाडापाखा फूल्ने लाली गुराँस खोज्दै छु
तिनै फूल्को रंग अनि सुबास खोज्दै छु
मरभुमी यो पहाड अनि बस्ति हरुमा
निस्चल र निर्मल म बतास खोज्दै छु
स्वदेश छाडी विदेश सम्म लागी परेरै
भोको पेटको निम्ति यहाँ गास खोज्दै छु
कति आए गए देशको नाईके बनेर
के-के गरे मेरो देशको विकास खोज्दै छु
नाना थरि धेरै बोले भाषण मात्र हो कि ?
संका लाग्छ ठुला कुराको खास खोज्दै छु
नेपाल नाम मेरो देशको हराई सक्यो र ?
भेटिन्छ कि भनि म ईतिहास खोज्दै छु
पूर्ण ‘कान्छा’ गुरुङ
ओखलढुंगा
