काठमाण्डौ पुष १८,
महिला हिसांको विरोधमा उत्रिएका अधिकारकर्मीहरुले आज पनि प्रधानमन्त्री निवास बालुवाटारमा धर्ना दिइरहेका छन । देशभर महिलामाथिको हिसांका घटना सार्वजनिक भइरहदा पनि कारबाही नभएको भन्दै आज पनि अधिकारकर्मीहरुले धर्ना जारी राखेका हुन् ।
११ बजेसम्मका लागि तय गरिएको भर्ना केहीबेरमा सकिने अधिकाकर्मीले जनाएका छन् । विभिन्न ठाउँमा भएका महिला हिंसाका घटनामा संलग्नहरूलाई छिटो कारबाही गर्न भन्दै अधिकारकर्मीहरुले प्रदर्शन र धर्नालाई केहीदिन देखि जारी राखेका छन् ।
यसैबीच अनामनगरको एक घरमा मृत अवस्था फेला परेकी सरस्वती सुवेदीको शवको पुनपरीक्षणको लागि आज पनि पहल गरिने भएको छ । शवको पुन परीक्षण आजै गराउन पहल भइरहेको महिला हिंसाको अनुगमन गर्न सरकारले बनाएको अनुगमन समितिका रेणुराज भण्डारीले सीआईएनलाई जानकारी दिनुभयो ।
प्रधानमन्त्री कार्यालयका सचिव राजुमानसिंह मल्ल संयोजक रहेको अनुगमन समितिले बारा, बर्दिया, दैलेख, त्रिभुवन विमानस्थललगायतका ठाउँमा भएका महिला हिंसाका घटनाको अध्ययन गर्ने जनाएको छ ।
- प्रवास खबर
- नारी आवाज
नारीदर्पणमा:-जोर्डनमा-वलात्कृत-धनमायाँ-न्याय-माग्दै