देशका विभिन्न स्थानमा महिलामाथिको हिंसाका अभियुक्तलाई पक्राउ गर्न नसकी सरकार मूकदर्शक भइरहेको भन्दै पक्राउ गर्न महिला अधिकारकर्मीले प्रजिअमार्फत प्रधानमन्त्रीलाई साङ्केतिक रुपमा उपहार पठाएका छन् ।
जिल्ला प्रशासन कार्यलयको काम ठप्प हुने गरी महिलाहरु धर्नामा बसेपछि नारी जागरण केन्द्रका कावा अध्यक्ष मुना सिंखडालगायत धर्नामा बसेका सम्पूर्ण महिला प्रजिअ वेदप्रसाद खरेलको कार्यकक्षमा गई हथकडी बुझाएका थिए ।
प्रधानमन्त्रीलाई सम्बोधन गरिएको हथकडीसहितको ज्ञापनपत्रमा “राज्यसँग हथकडी नभएर हो भने धादिङका महिला अधिकारकर्मीले हथकडी पठाएका छौँ, महिला हिंसामा संलग्न अपराधीलाई पक्राउ गरी कारबाही गरियोस्” भन्ने बेहोरा उल्लेख छ ।
धादिङका महिला अधिकारकर्मीद्वारा मङ्गलबार साँझ न्यायको खोजी गर्दै प्रदर्शन गरिएको मैनबत्ती जुलुसमा मानवअधिकारकर्मी, सञ्चारकर्मीलगायत नागरिक समाजका अगुवाको सहभागिता थियो । नेपालब्रिटेन;
