दिदीबहिनी सम्झिएर,रुँदैरुँदै गयो तिहार
अविरल आँशु धारा, धुँदैधुँदै गयो तिहार
विगतका मीठा क्षणले,घचघच्याए सधैं
विरहले भित्री मन, छुँदैछुँदै गयो तिहार
आँखा भरी द्यौसी, भैलो,मारुनी र नाच
बिछोडले ज्यादै दु:खी,हुँदैहुँदै गयो तिहार
हृदयमा छचल्केका, उकुस मुकुस पीडा
गुम्सिएका पोकाहरु,फुँदैफुँदै गयो तिहार
यो पटकलाई यस्तैभयो,फेरी आउँला भन्दै
वर्षदिनको बाटोसमाइ,उँधैउँधै गयो तिहार
कोमल भट्ट,पुरानो नैकाप (काठमाडौँ)
हाल :-रोचेस्टर,न्युयोर्क (अमेरिका)
