बेटर ग्यालेक्सीको आयोजनामा सञ्चालित उक्त फेसन पार्टीमा कुपण्डोलस्थित फेसन स्टेसनकी डिजाइनर नम्रता ओ लीले तयार पारेका पहिरनलाई सहभागी मोडलहरूले प्रदर्शन गरेका थिए। उक्त फेसन कार्यक्रममा मेकअप आर्टिष्टद्वय सिर्जना श्रेष्ठ र लक्ष्मीको श्रृंगारमा थप आकर्षक देखिएका सहभागी दस जना मोडलले विभिन्न ६ वटा सिक्वेन्समा र्याम्प नापेका थिए।
फेसन शोमा रंगीविरंगी डिजाइनर साडी, आकर्षक लुक भएका इभिनिङ गाउन, वनपिस ड्रेसहरू, जिन्स तथा ढाकाका कपडाबाट तयार पारिएका पहिरनको फ्यूजन शैली, कुर्ता-सलवारका विविध शैली तथा क्याजुयल वेयर आदि प्रदर्शन गरिएको थियो। उक्त कार्यक्रमलाई गायकद्वय कमल खत्री र सुमन श्रेष्ठले आफ्ना लोकप्रिय गीत प्रस्तुत गरेर संगीतमय बनाएका थिए।साप्ताहिक ;
