कविता

बिखालु रातको चिहान निम्ति लेख्छु म ।
अझै नझुल्केको बिहान निम्ति लेख्छु म ।।

गर्न के गर्छन तर भन्न सबैले भन्छन्
पाप र धर्मको किटान निम्ति लेख्छु म ।।

लासले लास दबाइन्छ जब माटोमा ।
विजोग परेको मसान निम्ति लेख्छु म ।।

गरे के हुन्न दुनियाँमा जे पनि हुन्छ ।
आकास धर्तीको मिलान निम्ति लेख्छु म ।।

न ज्युन दिन्छ सुविस्ताले न मर्नै दिन्छ ।
हो, त्यही रोगको निदान निम्ति लेख्छु म ।।

बडो जुक्तिले अनिकाल, खडेरी माझ ।
जोगाइराखेको इमान निम्ति लेख्छु म ।।
=s-