युरोपेली राष्ट्र डेनमार्कमा पनि इबोला भाइरसका एकजना सङ्कास्पद बिरामी भेटिएको समाचार छ ।
सो समाचारअनुसार डेनमार्कको कोपनहेगन सहरको एचभिड्रोभ अस्पतालमा ती बिरामी भर्ना गरिएको बताइएको छ ।
ती बिरामीको पहिचान गोप्य राखिएको छ । उनलाई अस्पतालमा विशेष रूप्मा निगरानीमा राखिएको पनि समाचारमा जनाइएको छ ।
सो समाचारको उक्त अस्पताल स्रोतले पुष्टि गरेको बताइएको छ । प्राप्त समाचारमा ती बिरामीमा इबोला भाइरसको सङ्क्रमण भएको हुनसक्ने अत्यधिक सम्भावना रहेको बताइएको छ ।
डेनमार्कमा यसको सङ्क्रमण पहिलो पटक भएको हो । युरोपमा गत हप्तामात्र स्पेनमा सो सङ्क्रमण भित्रिएको थियो ।
पश्चिम अफ्रिकी देशबाट सुरु भएको र सबैभन्दा बढी प्रभावित सोही क्षेत्रमा रहेको भए पनि यसरी यो सङ्क्रमण भित्रिएपछि इबोलाको प्रभाव विश्वव्यापी हुनसक्ने त्रास विश्वव्यापी रूप्मा फैलिएको छ । रासस÷सिन्ह्वा
