भर्जिनिया आषाढ २,
विजय थापा
: ३२ औ ए एन ए डिसी सम्मेलन खेलकुदको भब्य तयारी भै रहेको अवस्था र ब्राजिलमा भै रहेको बिश्व भकुण्डो प्रतियोगिताको अवसरमा डिसी महानगर क्षेत्रमा स्थापना भएको डिसी फुटबल क्लबको आयोजनामा भर्जिनियाको आर्लिंगटनमा आज लगातार दुई बर्ष ए एन ए भकुण्डो प्रतियोगितामा बिजयी समुह बाल्टिमोर एथलेटिक क्लब तथा डिसी फुटबल क्लब बीच मैत्रीपूर्ण फुटबल प्रतियोगिताको आयोजना गरिएको छ ।
आज भएको मैत्रीपूर्ण खेलले दुई खेल टोली तथा खेलाडी बिच प्रगाढ सम्बन्ध स्थापना गर्न सकेको अनुभूति भएको चन्द्र लामाले बताए । बाल्टिमोर एथलेटिक क्लब बिजयी भएको थियो भने डिसी फुटबल क्लब उप बिजेता हुन् पुगेको थियो ।
उक्त मैत्रीपूर्ण खेलले ए एन ए को समग्र खेलकुदलाई सहयोग पुर्याउने छ भनि चन्द्रलामाले बताए । ३२ औ ए एन ए डिसी सम्मेलनको तयारीको लागि आज बोलाईएको बैठकमा उक्त मैत्रीपूर्ण खेल बारे आयोजक समितिलाई जानकारी गराउदै खेलाडीहरु कत्तिको तयारीमा छन् भनि खेलको आयोजना गरेको बताईएको छ।
