भर्जिनिया जेष्ठ १२,
बिजय थापा : लामो समय देखि न्युयोर्कमा बसोबास गर्दै आएका तथा पेशाले मानबिय चिकित्सक रहेका डा बिनोद शाहले गैर आवासीय नेपाली संघ अन्तरराष्ट्रिय समन्वय समितिको सदस्यको लागि उम्मेदवारी दिएका छन् । नेपाली समुदायसंग आफु चिर परिचित भएकोले जानकारी गराउदै स्थापना काल देखि नै एआरएन अभियानसंग संलग्न भएको जनाउदै सम्पूर्ण नेपाली समुदायसंग आफुलाई अमुल्य मत दिई बिजयी गराउन हुन् अपिल गरेका छन ।
उनि दुखाइ व्यवस्थापन विशेषज्ञ(Pain Management Specialist )तथा अल्बर्ट अईन्सटाईन चिकित्सा बिश्वबिद्यालय न्युयोर्कमा सहायक प्राध्यापक हुन । नेपाल धनुषा जिल्लाको जनकपुरधाम जन्म भै हाल अमेरिकामा बसोबास गरी रहेका चिकित्सक बिनोद शाह भन्छन एनआरए को मर्म र यसले अगि सारेका महत्वपूर्ण मुद्दाहरु र चालेका कदममा आफुले सदैब समर्थन गरेको बताउदै आफुसंग थुप्रै अनुभव रहेको बताएका छन् । उनि भन्छन ,एनआरएनका अन्तर राष्ट्रिय तथा क्षेत्रिय सम्मेलन अधिकांसमा आफु सहभागी भएको बताए । हाल पनि एनआरएन संग आबद्ध रहेको जानकारी गराउदै अमेरिकाको एनआरएन मा बिगतमा काम गरेको अनुभवले मलाई बिजयी गराउने छन् भनि पूर्ण विश्वस्त छन् ।
उनि बिभिन्न संघ तथा संस्थामा नेतृत्व प्रदान् गरि सकेको बताउदै आफुलाई समाज सेवा गर्न अभिरुचि रहेकोले धनुषामा छात्रवृति संचालन गरि रहेको बताए । आफुले धेरै प्रतिबद्धता जाहेर गर्नु भन्दा पनि ब्यबहारमा काम गरेर देखाउदा राम्रो हुने लागेकोले आफ्ना प्रतिबद्धताहरु यस प्रकार संक्षेपमा राखेका छन् ।
१ ) Dual Citizenship -दोहोरो नागरिकताको सवालमा आफुले स्थापना काल देखि नै वकालत गर्दै आएको र एकपटकको नेपाली सधैको नेपाली भन्ने मागलाई अझ सशक्त बनाउने ।
२) E-library -नेपालमा ७५ वटै जिल्लामा ई-पुस्तकालयको निर्माणमा रहेको अवधारणालाई अझ सार्थक बनाउन आफुले सहयोग गर्ने र हाल करिब ३५ वटा ई-पुस्तकालय पुगेको कुरा उल्लेख गर्दै ७५ वटै जिल्लामा यो अभियानलाई सफल बनाउन आफुले अहम भूमिका निर्वाह गर्ने ।
३)Emergency Fund -गैर आवाशीय नेपाली संघ ,राष्ट्रिय समन्वय समिति अमेरिका तथा अन्तर्राष्ट्रियले अगाडी सारेको आकस्मिक कोष वृद्धि अभियानको लागि आफुले पूर्ण सहयोग गर्दै यसलाई तार्किक बिन्दुमा पुर्याउने र यसको लागि पहल गर्ने ।
४) NRN Building -एन आर एन आईसीसीले काठमाडौँमा बनाउन लागेको एन आर एन भवनको लागि आर्थिक सहयोग जुटाउन भूमिका निर्वाह गर्ने ।
५) NRN -Connect बिश्व भरिका नेपालीलाई एकै सुत्रमा आबद्ध गराई सूचना संजालमा ल्याउने ।
डा बिनोद शाह
उम्मेदवार
गैर आवासीय नेपाली संघ ,अन्तर्राष्ट्रिय समन्वय समिति सदस्य
''परिवर्तनको लागि डा बिनोद शाहलाई निर्वाचित गराऔ ''
''परिवर्तनको लागि डा बिनोद शाहलाई निर्वाचित गराऔ ''
