गजल :
अन्धो देशमा कानुन लगाएर के गर्छौ र
वैगुनीलाई त्यो गुण लगाएर के गर्छौ र
ल्हासामा थुप्रै सुन छ मान्छेको याँ कानै बुच्चो
जसको कान छैन सुन लगाएर के गर्छौ र
चलन अझै बाँकी छ पुरानै त्यो छुवाछुत
त्यो तरकारीमा नुन लगाएर के गर्छौ र
जिन्दगी कहिल्यै हाँस्दैन व्यर्थै कोशिश नगर
औंशीको रातमा जून लगाएर के गर्छौ र
तिम्ले विगुल फूकेर क्रान्ति गरेर के पायौ ?
तिम्रो हातभरि खुन लगाएर के गर्छौ र ।
मानन्धर अभागी
