भर्जिनिया चैत्र २०,
विजय थापा : नाई नभन्नु ल को सफलता पछि नाई नभन्नु ल २ नेपाल र अष्ट्रेलियामा एकै दिन एकै साथ चैत्र २८ शुक्रबार (अप्रिल ११ तारिख ) प्रदर्शन गरिने भएको छ । बिदेशमा पनि नेपाली चलचित्र हेर्ने चाहना राख्ने नेपाली समुदायको वृद्धि हुदै गएकोले नेपाल र अष्ट्रेलियामा एकै पटक एकै दिन प्रदर्शन गर्न लागिएको उक्त चलचित्रका नायक सरोज खनालले बताए ।
बाल मनोबैज्ञानिक र सत्य कथाको आधारमा निर्माण गरिएको उक्त चलचित्रमा चलचित्र अभिनेता सरोज खनालले एक दशक पछाडी अभिनय गरेको बताए । लामो समय पछि ठुलो पर्दामा अभिनय गर्दा कस्तो अनुभव भयो भनि उनलाई सोधिएको प्रश्नमा उत्तर दिदै उनले भने बिदेशमा पनि बिभिन्न कार्यक्रममा सहभागी भै रहने र यस्ता अभिनय बिभिन्न कार्यक्रममा गरि रहने भएकोले कुनै समस्या नभएको बताए ।
नेपाल अधिराज्यका करिब १ सय २५ वटा जति चलचित्र घरमा एकै साथ प्रदर्शन हुने बताउदै अमेरिकाको ओहायो र पेनसेल्भानिया राज्यमा अप्रिल १८ गते प्रदर्शन हुने निधो भै सकेको जनाए । उक्त चलचित्रले राम्रो ब्यबसाय गर्ने र दर्शकले मन पराउने छन् भन्दै सबैलाई चलचित्र एक पटक हेर्न आग्रह गरेका छन् ।चलचित्रको निर्देशक बिकाश आचार्यले गरेका छन् निर्माता दिनेश पोख्रेल हुन् ।
कलाकारहरुमा जीवन लुइँटेल ,सरोज खनाल ,प्रियंका कार्की ,सिताराम कट्टेल (धुर्मुस ),अनुभव रेग्मी ,सुज्ञानी भट्टराई ,सुरज ठकुरी तथा निर्दोष केसी आदि रहेका छन् ।
श्रब्य दृश्य (भिडियो सहित )
