कविता - रुनु दिल तिमीले बेस्सरी रुनु
तिम्रो आँशुले
हरियो डलरले किनेको
आइलाइनर बग्दैन आखिर !
निर्धक्क झारिदेउ ति आँशुहरु
निरीह र अनाथको मायामा
तिम्रो गालामा विदेशी फाउन्डेशन
दलिएको भए पो बग्छ ?
हो नपुछ हत्केलाले बरु
मुठ्ठी कसेर उभिनु र
झारिदेऊ भुइभरी
धुलो मर्ने गरी
गन्ध बग्ने गरी
रुनु दिल तिमीले बेस्सरी रुनु !
हजारौं मनका भित्ताहरु
चिसिएको छ
तिम्रो आँशुसँगै
करोडौ मुटुहरु दुखेकोछ
तिम्रो बिलौना सँगै
त्यसैले बगाइदेउ
आँशुमा भएका कम्जोडीहरु सबै !खललल .......
अब तिम्रो आँखाबाट
आगो झर्नु पर्छ ,
मनको भित्ताहरु सेकिनु पर्छ
र तात्तिनु पर्छ
दुखेका मुटुहरु ,
किन कि तिमीलाई
आरोपहरु अझै बाकिनै छ
न हातमा ल्यापटप छ ?
न फेसबूकमा हल्ला गर्छौ ?
खै त अङ्रेजी शब्दहरु
बिचबिचमा प्रयोग गरेको?
न त मेकअप गर्नु जानेको छौ!
न त गेटअप नै सुहाउदो छ !
हो यहीनेर
उजुरी पर्न सक्छ फेरी
यसै माथी
छनबिन गर्न सक्छ
र सनसनीपूर्ण समाचार बनाइदेला
कि दिल तिमीमा
समाजसेवा गर्ने मापदण्ड
पुग्दै पुग्दैन !
समाजसेवी भन्नु सुहाउदै सुहाउदैन !!
रुनु दिल तिमी दिल खोलेर रुनु
तर अब तिम्रो आँशुले
नियम पुर्याएर झर्नु पर्छ ,
तिम्रो बिरहले
कानून बनाएर बग्नु पर्छ ,
ताकी तिम्रो आँशुले
बालुवाको क्याक्टसहरु
बाँच्नु पर्छ
भिरको सुनगाभाहरु
हाँस्नु पर्छ
र तिम्रो बेदनाको लहरो समाएर
फुल्नुपर्छ बनफुलहरु
आफ्नै स्वेच्छाले जहाँ तही
जहिलेतहिले , निस्फिक्री
अनी निर्धक्क निर्धक्क !!
( नारीदिवसको उपल्यक्षमा महान नारी दिलशोभा श्रेष्ठमा समर्प्रीत )
शशी थापा सुब्बा
लण्डन
