गजल :
धर्तीमा खोजिरहेछु यो आकाशमा खोजिरहेछु
टोलाउँदै म तिमीलाई एकनासमा खोजिरहेछु
कहाँ छौ कुन्नि के गर्दैछु आजभोली ए प्रिय
मैले फेर्ने अचेल हरेक सासमा खोजिरहेछु
यो मन भित्र कुनै बेला साह्रै बाढी पैह्रो चल्दा
तूफान आँधी हुरी यस्तै बतासमा खोजिरहेछु
टप्प टिपी दिन्थेँ म शिरैमा सजाउँथ्यौ तिमी
आज त्यहि पाखाको लालीगुराँसमा खोजिरहेछु
यात्रा हाम्रो दुई किनारा भै छुटिगए पनि आज
फेरी दोभानमा भेट्ने विस्वासमा खोजिरहेछु
-पोष कुमार राई
खोटाङ्
