गज़ल :
मखमली माला उनि पर्खी बस्छु भाइ
तिमी आउने बाटोतिरै फर्की बस्छु भाइ |
तिमी आउने प्रतीक्षामा स्वागत गर्नलाइ
सयपत्री थुंगा च्याती छर्की बस्छु भाइ |
पँधेरामा सँगिनीले भुलाउन सक्छन
संगी संग आजैबाट तर्की बस्छु भाइ |
छुन दिन्न माइतीलाई कालै आए पनी
यमराजको बाटो छेक्दै लर्की बस्छु भाइ |
आशा गर्छु यो सालमा पोहोर झैँ नहोस
आएनौ भने झरी बनी दर्कि बस्छु भाइ |
साबित्रा लुइँटेल घिमिरे
झापा बिर्तामोड
नमस्कार
