माडी कात्तिक २,
सरोज खनाल : माडी
एकिकृत नेकपा माओवादीको चुनावी अभियान अन्तर्गत आज पश्चिम चितवनको
पार्वतीपुरमा गाविस स्तरीय वाईसिएल तथा अखिल क्रान्तिकारीको संयुक्त भेला
सम्पन्न भएको छ । पार्वतीपुर गाविस मगर संघको भवनमा सम्पन्न भेलालाई
सम्बोधन गर्दै वाईसिएल चितवनका संयोजक ईश्वर सापकोटा सुमनले पहिचान
सहितको संघियता र संविधान सभाबाटै संविधान जारी गर्नु एकिकृत
माओवादीको अभियान रहेको बताउनुभयो ।
साथै यस अभियानलाई सफल पार्न
पुर्ण संघियतावादीलाई दुई तिहाई मतले विजयी गराउनुपर्ने सापकोटाको
जोड थियो । विगतमा संघियता विरोघीहरुकै कारण संविधान जारी हुन
नसकेकाले अब एकिकृत माओवादीलाई बहुमतले विजयी गराएमात्रै संविधान जारी
हुन सक्ने दावी गर्नुभयो । भेलामा राज्य समिती सदस्य नारायण आचार्य, जिल्ला
सदस्य गोपी भुषाल, पार्वतीपुर गाविस ईन्चार्ज सुरविर थापा लगायतले
बोल्नुभएको थियो ।
यस्तै भेलाले आजै सुजन विकको अध्यक्षतामा १०१ सदस्सीय युवा परिचालन समिती
गठन गरिएको छ । एकिकृत नेकपा माओवादी केन्द्रिय सदस्य ठाकुर ढकालको
अध्यक्षतामा सम्पन्न भेलाले भोली पनि पार्वतीपुरमा गाविस स्तरीय घरदैलो
कार्यक्रम गर्ने निर्णय गरेको छ ।
यसैबिच आज नै शुक्रनगर गाविसमा पनि चुनाव प्रचार प्रसार तथा घरदैलो
कार्यक्रम सम्पन्न भएको छ । क्षेत्र नं ५ चितवनका प्रत्यक्ष तर्फका उमेदवार अमिक
शेरचन सहितको टोलीले चुनाव प्रचार प्रसारका लागि घरदैलो कार्यक्रम गरेको
हो । अभियान शुक्रनगर गाविस संयोजक विजय भुजेलको अध्यक्षतामा सम्पन्न भएको
थियो ।
