कोपिला नै झर्ने मन कहाँ थियो र
पालुवा मै मर्ने मन कहाँ थियो र
दुःख भोग्न प्रदेशमा मातृ भूमी छाडि
समुन्र्ग त्यो तर्ने मन कहाँ थियो र
अकासमा उड्ने मैना कैदि हुनु पर्यो
पिँजडामा पर्ने मन कहाँ थियो र
विपत्ति नै परे पछि ठाउँ छाड्नै पर्यो
बसाइँ नै सर्ने मन कहाँ थियो र
मिठो चिज हुँदो होत कोदोको ढिंडोले
भोको पेट भर्ने मन कहाँ थियो र
कोपिला नै झर्ने मन कहाँ थियो र
पालुवा मै मर्ने मन कहाँ थियो र
सोमकृष्ण श्रेष्ठ
भिनपा, २ दोलखा
