वृद्ध दलित दम्पत्तिलाई राहत सामग्री प्रदान I

दाङ असार २९,

रामपुर बालिमखोला किनारमा बस्दै आएका वृद्ध दलित दम्पत्तिलाई विभिन्न क्षेत्रबाट प्राप्त सहयोग प्रदान गरिएको छ । बुधबार वृद्ध दलित दम्पत्तिको र ामपुर–३, बालिमखोलास्थित घरमै पुगेर सात हजार मूल्यबराबरका खाद्यान्न, लत्ताकपडा र भाँडाकुँडा प्रदान गरिएको हो । 

 बालिमखोलाको किनारमा जीर्ण बनेको झुप्रो घरमा बस्दै आएका दलित दम्पत्तिको दयनीय अवस्थाका बारेमा पत्रकार जनक नेपालीले ‘२० वर्षसम्म पशु र मान्छे एउटै थलोमा’ शीर्षकमा लेखेको समाचार गत असार ९ गते नौलो जनउभार साप्ताहिकमा छापिएको थियो । 

त्यस्तै, सोही विषयमा पत्रकार डिल्ली मल्लले ‘हाम्रा लागि भगवान पनि टेढा भए’ शीर्षकमा लेखेको समाचार असार १९ गतेको गोरखापत्र दैनिकमा छापिएको थियो । दुवै पत्रिकामा छापिएका समाचार पढेपछि तुलसीपुर दाङ घर भई हाल लण्डनमा बस्दै आउनुभएका सुमन गुरुङले ५ हजार रुपैयाँ, दाङका जिल्ला शिक्षा अधिकारी जीतबहादुर शाहले १ हजार र काठमाण्डौंका हरिप्रकाश पुडासैनीले १ हजार रु पैयाँ वृद्ध दम्पत्तिका लागि सहयोग प्रदान गर्नुभएको थियो । 

नगदभन्दा आवश्यक सामान ल्याइदिन वृद्ध दम्पत्तिले गरेको आग्रहबमोजिम ७ हजार रुपैयाँबाट दुई बोरा चामल, ४ किलो दाल, दुई किलो नून, २ लिटर तेल र बेसार, एक सेट सिरक डसना र एक सेट भाँडाकुडा प्रदान गरिएको हो । बुधबार वृद्ध दम्पतिको घरमा एक कार्यक्रमको आयोजना गरि सो सहयोग सामग्री प्र दान गरिएको छ । सो अवसरमा नेपाल पत्रकार महासंघ दाङका उपाध्यक्ष नरेन्द्र केसी, रामपुर गाविस सचिव प्रवीण खनाल र नौलो जनउभार साप्ताहिकका कार्यकारी सम्पादक एवम् गोरखापत्र दैनिकका घोराही समाचारदाता डिल्ली मल्ल सहयोग सामग्री प्रदान गर्नुभएको थियो । 

सो अवसरमा कार्यक्रमका प्रमुख अतिथि नेपाल पत्रकार महासंघ दाङ शाखाका उपाध्यक्ष नरेन्द्र केसीले मानवीय नाताले समाजका असहाय, गरिब र विपन्न वर्गका व्यक्तिलाई सहयोग गर्नु सबैको दायित्व भएको बताउनुभयो । पत्रकारिता क्षे त्र समाजलाई सूसुचित गर्नुका साथै समाजसेवा, अग्रगामी रुपान्तरण र विकासका लागि सबै लाई सचेत गराउने क्षेत्र रहेको भन्दै उहाँले समाचारका माध्यमबाट असहाय दलित दम्पत्तिको विषय उजागर गरेर सहयोग जुटाउने पत्रकार, पत्रिका र सहयोग प्रदान गर्ने दाता र घर निर्माणलगायत उनीहरुको रेखदेख गर्ने स्थानीयबासी सबै धन्यवादका पात्र भएको बताउनुभयो । 

कार्यक्रममा रामपुर गाविस सचिव प्रवीण खनालले आफूहरुले वृद्ध दलित दम्पत्तिको नागरिकता बनाउनेदेखि सामाजिक सुरक्षा भत्ता प्रदान गर्न पहल गरेको बताउनुभयो । सो अवसरमा नौलो जनउभार साप्ताहिकका कार्यकारी सम्पादक डिल्ली मल्लले सहयोग प्र दान गर्ने दाताहरु र संकलन गरिएको सामग्रीको बारेमा जानकारी गराउनुभएको थियो । कार्यक्रमको सञ्चालन पत्रकार जनक नेपालीले गर्नुभएको थियो । समाचार छापिएपछि नयाँ घर पनि ! वृद्ध दलित दम्पत्तिको दयनीय अवस्था र उनीहरुलाई स्थानीयबासीले सहयोग नगरे को भावको समाचार नौलो जनउभार साप्ताहिकमा प्रकाशित भएपछि स्थानीयबासीले बृद्ध दम्पत्तिका लागि सानो घर नै बनाइदिएका छन् । 

स्थानीयबासी सबैले सहयोग संकलन गरेर ९ हजार १ रुपैयाँ जम्मा गरी बाँसले बेरेर टीनको छाना भएको एककोठे घर बनाइदिएका हुन् । समाचारमा स्थानीयबासीले वृद्ध दलित दम्पत्तिलाई सहयोग नै नगरेको भन्ने खालको समाचार आएको रहेछ, स्थानीय वीरबहादुर विकले भन्नुभयो, हामीले पनि अलि– अलि सहयोग त गरिरहेका थियौं, तैपनि जति गर्नुपर्ने गर्न सकिएको थिएन । समाचार पढे पछि आफूहरुले केही गर्नुपर्छ नत्र गाउँ समाजकै बेइज्जत हुन्छ भन्ने ठानेर घर बनाइदिएका हौं ।’