कती पुज्छौ ढुङ्गालाई भगवान सम्झेर
के दियो र हजुरलाई बरदान सम्झेर ।
महाकाली उर्लिएर बिध्वंस नै मच्चायो
कल्पनामै डराए छु सुनसान सम्झेर ।
एकापस झैँ झगडा अनि बन्द कति हो
थर्किन्छ यो मुटु मेरो हानाहान सम्झेर ।
नहुँदा त बोलाएनन् हुँदा लाम सबैको
छक्क पर्छु पैसोको त्यो सम्मान सम्झेर ।
राम आए श्याम आए हाल उस्तै देशको
दु:ख लाग्छ नेताका ती गुनगान सम्झेर ।
साबित्रा लुइँटेल घिमिरे
झापा बिर्तामोड
