आँखा भरि आई दिन्छन् पुराना ति यादहरु
एक-एक गरी बल्झिदिन्छन् पुराना ति यादहरु |
जसो तसो निल्दै थिएँ निस्तो भात आँशु संग
घांटीमा आई अड्किदिन्छन् पुराना ति यादहरु |
उखेलेर फाल्न खोजें त्यो स्वार्थीको प्रति बिम्ब
झन आँखैमा झल्किदिन्छन् पुराना ति यादहरु |
थमाएर राखें संधै लुकाएरै राख्छु अझै
थाहै नपाई बर्सीदिन्छन् पुराना ति यादहरु |
न निदाउन सकें यहाँ कोल्टे फेर्दै उज्यालो भो
यी आँखाले पर्खिदिन्छन् पुराना ति यादहरु |
साबित्रा लुइँटेल घिमिरे
झापा बिर्तामोड
