युएई जेठ २,
युएई अबुधावीका कम्पनीहरुमा अब फोन प्रयोग गर्न नपाइने भएको छ । युएईका कम्पनीहरुले आफ्ना कर्मचारीलाई काममा जानुअघि मोबाइल फोन कार्यकक्षमा लैजान नपाइने बताएको छ ।
कम्पनीहरुले कर्मचारीहरूलाई आफू कार्यकक्षमा प्रवेश गर्नुअघि आफ्नो मोबाइल स्विच अफ गरेर आफ्नो विभागमा बुझाउन समेत आग्रह गरेको छ ।
सो निर्णय पश्चात् कम्पनीमा काम गर्ने कर्मचारीहरू आक्रोशित हुनुका साथै तनावमा समेत परेका छन् । कर्मचारीहरू आफ्नो मोबाइल फोन आफ्नो सम्पत्ति भएको बताउँदै उक्त फोनलाई आफूसँगै राख्न पाउनुपर्ने बताएका छन् । आफुहरू कुनै नोकर नभएको समेत कर्मचारीहरुले आक्रोश पोखेका छन् ।
कर्मचारीहरुले आफूहरू अफिसमा काम गर्न नै आउने र यहाँ कुनै समय वर्वाद नगर्ने भन्दै आफुहरूले व्यक्तिगत फोन भने गर्न पाउनुपर्ने माग राखेका छन् ।
मोबाइल प्रयोग गर्न नदिने उक्त कम्पनीमा करिब ९० जना कर्मचारी रहेका छन् । उनीहरुले कम्पनीको समयभित्र कसैले पनि आफ्नो फोन लिन पाउँदैनन् । उनीहरूलाई खाजा खाने ४० मिनेटको समयमा भने फोन राख्न दिने गरिन्छ ।
यस्तै, यता कानुन व्यवसायीले पनि यसो गर्नु गैर कानुनी प्रक्रिया भएको बताएका छन् । सुरक्षाका कारणले मात्र कर्मचारीलाई मोबाइल फोन चलाउन नदिने भन्नु गलत भएको उनीहरुको भनाई छ । एजेन्सी;
