आधा संसार ढाकी सकेका छौ नारी हामी
धैर्यता स्नेह र ममताका हौ धारी हामी
माकुराको जालो जस्तै समस्यामा जेलिएर
डुब्छौ बरु सागरमा आश्रित तारी हामी
आफन्तको सुख सुबिधा ख्याल गर्दा गर्दै
बाच्छौ अरुको लागिनै आकांक्षा मारी हामी
त्याग र बलिदानको कुनै सिमा नराखी
युग देखी बोक्दै जिन्बेवारीको भारी हामी
आमा छोरी बुहारी धेरै रुप निभाउदै
जित्नु पर्ने सबैको मन सधैं हारी हामी
कल्पना पौडेल "जिज्ञासु"
गैडाकोट,४,नवलपरासी
हाल:इजरायल
