डोटीको चबरा चौतारा गाविसलाई मदिरा निषेधित क्षेत्र घोषणा

डोटी मस्निर ५,

डोटीको बोगटान क्षेत्रमा अवैध मधिरा बिक्री वितरण भईरहेको गुनासो आइरहेको बेला चवरा चौतारा गाविसलाई आजदेखि मदिरा निषेधित क्षेत्र घोषणा गरिएको छ ।

चवरा चौतारा गाविसको चनुकाँडा स्थित प्रहरी चौकीमा आज बिहान बसेको राजनैतिक दलका स्थानीय प्रतिनिधि, बुद्धिजिवी, शिक्षक, व्यापारी र स्थानीय बासिन्दाहरुको संयूक्त भेलाले निर्णय गरेको हो । भेलाले राजनैतिक दलका प्रतिनिधिहरुको संयोजनमा गाविस स्तरिय मुल मदिरा निषेधित समिति समेत चयन गरेको छ ।

समितिको चयन संगै ९ वटै वडाहरुमा पनि वडा स्तरिय समिति चयन गरिने प्रहरी चौकी चनुकाँडाका ईन्चार्ज केशव बहादुर चन्दले जानकारी दिनुभयो । भेलाबाट मदिरा सेवन गर्नेलाई पहिलो पटकका लागि ५ हजार र बिक्री गर्नेलाई १० हजार जरिवाना तोकेको छ ।

फेरि गल्ती दोहोरिएमा पहिलो जरिवानाको दोव्वर जरिवाना गरिने र तेस्रो पटक पनि मदिरा विक्रिवितरण र सेवन गर्नेलाई मदिरा ऐनअन्र्तगत कार्वाहीका लागी जिल्लामा पठाउने निर्णय गरिएको छ । चवरा चौतारा प्रहरी चौकी अन्तरगतका गविसमा प्रहरी चौकी चनुकाडाले एक सूचना प्रकाशित गरि मदिरा विक्रि वितरण नगर्न अनुरोध गरेको छ ।