सर्लाहीको गौरिशङ्करमा १५ जना श्रमिक बालबालिकाको परिवारलाई रकम वितरण गरिएको छ ।
विश्व शिक्षाको सहयोगमा शान्तिको लागि जीविकोपार्जन परियोजना अन्तर्गत साझेदारी संस्था बाल संरक्षण संस्था लालबन्दीले रकम वितरण गरेको हो ।
गाविसका १५ घर श्रमिक वालवालिकाहरुको परिवारलाई जम्मा १ लाख २५ हजार रुपैया वितरण गरिएको कार्यक्रम संयोजक किशोर शर्माले जानकारी दिनुभयो । विश्व शिक्षाका कार्यक्रम संयोजक शंकर विमलीले खरीद समितीका पदाधिकारी तिर्थ नारायण चौधरी र अनिता चौधरीलाई रकम प्रदान गर्नुभएको थियो ।
कार्यक्रममा बाल संरक्षण संस्थाका अध्यक्ष राधा घिमिरे, नागरिक समाजका प्रतिनिधि, स्थानिय बासिन्दा लगायतको उपस्थिति रहेको थियो ।
