स्वाभिमानी नेपालीका सम्मान बेचिए
लेखिएका मस्यौदा र बिधान बेचिए|१|
घण्टा बजाउ दियो बाल के हेर्छौ पूजारी?
आस्था संगै मन्दिरका भगवान बेचिए|२|
अलमल्ल हुँदै छन घाटमा मलामी
सत्यानास हिजै राती चिहान बेचिए|३|
कस्ले लुट्यो खुशी उस्को रुँदै छ बिचरा!!
हाँडा भाडा गरिबका निसान बेचिए|४|
सहमती सहकार्य कुर्शीको खेलमा
सत्ता सामु इमानका दोकान बेचिए|५|
अशिक्षा र अभाबको फाईदा उठाइ
बेसाहारा अबला र नादान बेचिए|६|
इज्रायल अरब अनी कतार दुवैमा
युवा संगै युवतीका बथान बेचिए|७|
जीतु खड्का गाँउले
मोरङ उर्लाबारी
हाल साउदी अरब :
