राजविराज, असार १४ ,
सप्तरी जिल्लाको हनुमाननगरमा धामीझाँक्रीको भर पर्दा गए राति एक बालकको मृत्यु भएको छ ।
हनुमाननगर-८ निवासी सुरेन्द्र यादवका आठ वर्षीय छोरा कुन्दनलाई विषालु सर्पले डसेपछि स्वास्थ्य संस्थामा पुर्याउनुको साटो धामीझाँक्रीबाट सन्चो हुने विश्वास गर्दा मृत्यु भएको हनुमानगर प्रहरीले जनाएको छ ।
बिरामी अन्तिम अवस्थामा पुगेपछि धामीले आफूबाट नहुने भनेपछि बालकलाई अस्पताल ल्याउँदा बाटामै मृत्यु भइसकेको सिअहेव लालकिशोर सिंहले जानकारी दिए ।
अस्पतालले मृत घोषणा गरेपछि पनि धामीको विश्वासमा परी सो सर्प खोजी आज बिहान मृत बालकलाई पुनः डस्न लगाइएको छ ।
बुबा भारततर्फ र आमा ज्याला मजदुरी गर्न खेत गएको बेला सर्पले डसेको बालकले बताएपछि छिमेकीले गाउँकै धामी कहाँ लगेर झारफुक गरेका थिए ।
यही असार २ गते पनि धामी झाँक्रीको भर पर्दा सर्पदंशका बिरामी सप्तरी प्रसवनी ४ निवासी नन्दकिशोर गोइत यादवकी ५८ वर्षीया श्रीमती उर्मिलाको मृत्यु भएको थियो । सप्तरीमा प्रचण्ड गर्मीका कारण जताततै विभिन्न किसिमका विषालु सर्प देखिन थालेका छन् । दैनिक २-३ जना सर्पदंशका बिरामी आउने गरेको राजविराज अस्पतालमा अहिले पनि तीनजना सर्पदंशका बिरामी उपचाररत छन् । रासस
- प्रवास खबर
- नारी आवाज
नारीदर्पणमा:-जोर्डनमा-वलात्कृत-धनमायाँ-न्याय-माग्दै