गजल "नारीलाई आह्वान " आचार्य प्रभा
घुम्टोभित्र लजाएर कती बस्छौ नारी ?
नबस्नु है गहबाट अश्रुधारा झारी ।
समयको पाबन्दिको अब जन्जिर् टुट्यो
अघी बढ हिम्मतले दर्हो पाइेला सारी ।
गाउँ बस्ती कन्दरामा आवाज एकै गर्दै
जाग उठ लम्क अब बिसाइे दाउरा भारी ।
जन्मलियौ बुहारीको बुहार्तन खप्न
अब निस्क आफुलाई बन्धनमुक्त पारी ।
उठाउ ती हँसिया र कचियाका धार
सोत्तर् पार अल्झिने ती घोँच्ने काँढाघारी ।
नारीत्वको पौरखको जोश देखाउन
नभाग है पछी फर्की डरत्राषले हारी ।
मात्रित्वकी खानी तिमी ममत्वकी देवी
तिम्रै माया छल्किन्छ नि सधैं वारीपारी ।
रचना - जुन २६/ २०१४
