गजल :
कस्तो अभिशाप भएछ त्यो बुढेसकालमा
बाँच्नु करकाप भएछ त्यो बुढेसकालमा
छोरा – छोरीहरूले न फाल्न सक्यो न पाल्न
आज वार्तालाप भएछ त्यो बुढेसकालमा
बाह्र छोरा तेह्र नाती उल्टै पो पाल्नु परेछ
खर्च बेहिसाव भएछ त्यो बुढेसकालमा
स्याल र व्वाँसाहरूको रजाइँ लुच्छा चुँडी
ढुकुटी सखाप भएछ त्यो बुढेसकालमा
छोरा – छोरी जन्माएर सकी – नसकी पढाएको
आज पश्चात्ताप भएछ त्यो बुढेसकालमा ।
मानन्धर अभागी
