काठमान्डू आश्विन १९,
सजोर खनाल : वाईसिएल चितवनको आयोजनामा आजबाट माडीको बसन्तपुरमा दिवाकर स्मृति दशौं
जिल्ला स्तरीय फुटबल प्रतियोगिता सुरु भयो । जिल्लाकै सर्वाधिक
धनराशीको यस फुटबल प्रतियोगितामा चितवन जिल्लाभित्रका १६ वटा टिमहरुको
सहभागिता रहनेछ ।
२५ गतेसम्म संचालन हुने प्रतियोगिता अवधिभर करिब ७ लाख
खर्च हुने अनुमान गरिएको छ । जसमा प्रथम पुरस्कार नगद १ लाख सहित शिल्ड
मेडल र प्रमाणपत्र ,दोश्रो पुरस्कार नगद ५० हजार सहित शिल्ड मेडल र
प्रमाणपत्र रहेको छ । साथै प्रत्येक खेलमा म्यान अफ द म्याच घोषणा गरि
प्रतियोगिता अवधिभरको सर्वाधिक गोलकर्ता, उत्कृष्ठ खेलाडी, उत्कृष्ठ
गोलरक्षक लगायतलाई पनि पुरस्कृत गरिने आयोजकले जनाएको छ ।
उद्घाटन कार्यक्रममा एकिकृत नेकपा माओवादी चितवनका प्रत्यक्ष तर्फका
उमेदवारहरु क्षेत्र नं १ का यम ब. परियार ईन्द्रजित, २ का उमेदवार
विश्वभक्त दुलाल आहुती, ३ का उमेदवार नारायण दाहाल, ४ का उमेदवार चित्र
ब.श्रेष्ठ र ५ का उमेदवार अमिक शेरचन लगायतको उपस्थिती रहनेछ । उद्घाटन
अघि माडीको बनकट्टा देखि खेल परिसर सम्म मोटरसाईकल ¥याली निकालिने
प्रतियोगिताका प्रचार प्रसार संयोजक रमेश पाण्डेले बताउनुभयो ।
प्रतियोगिताको उद्घाटन खेलमा आज बसन्तपुर युनाईटेड बसन्तपुर र जगतपुर
खेलकुद परिषद् भिड्दैछन् ।
