बाल बच्चा देश छोडी खोज्न आएँ चारो प्रदेशमा/
जहाँ बग्छ त्यही सुक्छ पसिनाको धारो प्रदेशमा//
आफ्नै खेत बारी जोत्दा अन्न झुल्दै फल्थ्यो मानामुरी,
धन फल्ने रुख छैन सुक्का जोड्न गाह्रो प्रदेशमा//
हुलाकीले चिट्ठी ल्यायो चिट्ठी संगै प्रश्न कति-कति,
जवाफमा ढाक छोप सत्य बोल्न साह्रो प्रदेशमा//
झिली मिली शहरमा कालो मन हुने प्रसस्तै छ,
दु:ख पर्दा पर्म छैन मान्छे बन्यो आरो प्रदेशमा//
केहि धन केहि खुशी जोडी घर फिर्ने सपना थ्यो,
अंग भंग हुनु पर्दा आयु भएन फारो प्रदेशमा//
कल्पना राई "खुशी"
दोलखा नेपाल
हाल दक्षिण कोरिया
