प्रेमको अर्थ कस्तो होला आकाश धर्ती नभएमा !
लेक बेशी हिमालले प्रीतिको गीत नगाएमा !!
*
श्वास हाम्रो रहुञ्जेल मिलीजुली बाँच्नु पर्छ !
थोरै खुशी पाए पनी दुख लुकाई हाँस्नु पर्छ !!
बाँच्नु पनी के अर्थ भो चोखो माया नपाएमा !
लेक बेशी हिमालले प्रीतिको गीत नगाएमा !!
*
कर्कलाको पानी जस्तै सर्छ जीबन यँहा वहाँ !
स्वचालित छ समय यो आज यँहा भोलि काँहा !!
सिंगै जीवन सुम्पिदिदा आफ्नो भन्न नआएमा !!
लेक बेशी हिमालले प्रीतिको गीत नगाएमा !
*
प्रेमको अर्थ कस्तो होला आकाश धर्ती नभएमा !
लेक बेशी हिमालले प्रीतिको गीत नगाएमा !!
रमा भण्डारी
काठमान्डू हाल इज़रायल
