गजल ' सुनको गजुर ' By, सावारा योङ्हाङ I


सुनको गजुरले छानाहरु हेपेको देश |
पाथी र मुरिले मानाहरु हेपेको देश ||

कुकुर समेत भित्र पस्दा मान्छे हुँदैन |
ठुलो जातिले सानाहरु हेपेको देश ||

राज्यको सम्पती लुटेर जनता चुस्नेले |
हिरा र मोतिका दानाहरु हेपेको देश ||

खिर पुलाउ र जाउलोमा पल्केका धनीहरु |
खोले र ढेडो गरीबको खानाहरु हेपेको देश ||

जस्को पैशा छ त्यस्को कलमी शृजनाले |
बेदनामा कोरिएको पानाहरु हेपेको देश ||

सुनको गजुरले छानाहरु हेपेको देश |
पाथी र मुरिले मानाहरु हेपेको देश ||

सावारा योङ्हाङ
पाँचथर नागि५

Naridarpan.com

कला साहित्य सुचना र संगीतमा समर्पण हामी सबैको नारीदर्पण डट कम सुचना तपाइको अधिकार । तपाइंको वरपरको खबर हामीलाई लेखी पठाउनुस - naridarpan81@gmail.com