राष्ट्रको विकास टोल–टोलको विकास भन्ने मूल नाराका साथ १०३ औं अन्तर्राष्ट्रिय नारी दिवसको अवसरमा आयोजित अन्तर टोल विकास संस्था महिला हाजिरी जवाफ प्रतियोगिता पोखरा–५ मालेपाटनस्थित सामुदायिक भवनमा चलिरहेको छ ।
हिजोदेखि आयोजना गरिएको प्रतियोगिताको समापन कार्यक्रम आजै रहेको छ । उक्त प्रतियोगिता टोल विकास संस्था वडा समन्वय समिति पोखरा–५ ले आयोजना गरेको हो । प्रतियोगितामा +२ भन्दा कम अध्ययन गरेका विशुद्ध गृहिणीहरुको सहभागिता मात्र रहेको छ ।
यस प्रतियोगितामा २५ वर्षदेखि माथिका महिलाहरुमात्र सहभागि छन् । वडा नं. ५ मा रहेका १६ वटा टोल विकास संस्थाहरुले प्रतियोगितामा सहभागिता जनाएका छन् ।
सो प्रतियोगितामा गृहिणी र वडावासीहरुको उल्लेख्य सहभागिता रहेकोमा समन्वय समितिका अध्यक्ष उज्ज्वल खत्रीले खुशी व्यक्त गर्दै समाजमा यसले राम्रो सन्देश दिएको धारणा व्यक्त गर्नुभयो ।(डन न्यूज)
