रुकुम, फागुन ५ ,
पुरुष मात्र काजकिरियामा बस्नुपर्छ भन्ने परम्परागत मान्यतालाई तोड्दै चुन्वाङ गाविस–१ गैरीगाउँमा एक महिला बुबाको काजकिरियामा बसेकी छन् ।
चुन्वाङ १ निवासी ८५ वर्षीय दलबहादुर बुढाको निधन भएपछि जेठी छोरी सावित्री बुढा काजकिरियामा बस्नुभएको हो ।
बाबुको शवलाई पाँच बहिनी छोरी सावित्री बुढा, विष्णु बुढा, पूर्णा बुढा, कल्पना बुढा र सपना बुढाले घरदेखि घाटसम्म बोकेर पुर्याएका थिए ।
शवलाई छोराले मात्र बोक्नुपर्छ भन्ने मान्यतालाई गलत सावित गर्न बुबाको शवलाई पाँच बहिनीले नै घाटसम्म पुर्याएको कल्पनाले बताउनुभयो ।
सबै विधि पुर्याएर १३ दिनपछि सुद्धारी गर्ने तयारी मृतक बुढाको परिवारले गरेको छ । बुढाको निधन गत माघ २४ गते भएको थियो ।
पछिल्लो समय जिल्लाभर छोरीले काजकिरिया गर्ने चलन बढेको छ ।
छोरा नभएका अधिकांशका छोरीले आफ्ना बुबा–आमाको काजकिरिया गर्ने चलन स्थापित गर्दै गएका छन् । यहाँ बुहारीले पनि काजकिरिया गरेका उदाहरण देखिन थालेका छन् । रासस;
- प्रवास खबर
- नारी आवाज
नारीदर्पणमा:-जोर्डनमा-वलात्कृत-धनमायाँ-न्याय-माग्दै