साउदी अरबबाट फर्कंर्दै गर्दा काठमाडौं विमानस्थलको अध्यागमनका कर्मचारी र प्रहरीबाट लुटिएर यौन दुर्व्यवहारमा समेत परेकी भोजपुरकी युवतीलाई सरकारले १ लाख ५० हजार रुपैयाँ राहत दिने निर्णय गरेको छ ।
मन्त्रपरिषद्को बिहीबारको बैठकले उनलाई लुट्ने कर्मचारी र यौन दुव्र्यवहार गर्ने प्रहरी जवानलाई हदैसम्म कारबाही गर्ने निर्णयसमेत गरेको छ ।
वैदेशिक रोजगारका लागि अर्काको राहदानीमा साउदी गएर फर्केने क्रममा अध्यागमनमा पक्राउ परेकी उनबाट त्यहााका कर्मचारी र प्रहरीले सम्पूर्ण रकम लुटेका थिए ।
रकम लुटेपछि प्रहरी जवान परशुराम बस्नेतले धम्की दिई उनलाई गेस्ट हाउसमा लगेर यौन दुव्र्यवहार गरेका थिए ।
भारतसितको पारवहन सन्धि सात वर्षलाई नवीकरण हुने
मन्त्रिपरिषदले आगामी २०१३ जनवरी ५ मा म्याद समाप्त हुन लागेको नेपाल-भारत पारवहन सन्धिको म्याद सात वर्षका लागि नवीकरण गर्ने निर्णय गरेको जानकारी सरकारका प्रवक्ता एवं सञ्चारमन्त्री राजकिशोर यादवले दिए ।
उनका अनुसार मन्त्रिपरिषदले उक्त सन्धि सन् २०२० जनवरी ५ सम्मका लागि नवीकरण गर्न नेपाल र भारतबीच 'लेटर अफ एक्सचेन्ज' मा हस्ताक्षर गर्ने अख्तियारी वाणिज्य सचिव लालमणि जोशीलाई दिएको छ ।इकान्तिपुर;
