हुने खानेको दर मिठो पाक्छ हजुर शहरमा/
दीन दुखीको तिज मर्दै जाग्छ हजुर रहरमा//
कतै माईती लिन आए चेली रोलिन भन्दै हेर,
कतै टुहुरी रुदा कस्ले डाक्छ हजुर लहरमा//
सबै पुज्छन पाउ छुदै आफ्नो पतिको भने कतै,
कुर्दै प्रदेशी रुदै आखाँ थाक्छ हजुर डहरमा//
धनि गरिब नारी उस्तै आस्था पवित्र स्वामी प्रति,
शिव पुकारी जित सधै भाक्छ हजुर कहरमा//
ब्रत बस्छन कष्ट खप्दै गर्न कामना श्रीमानको ,
जिम्दा सावित्री हुन भन्ने लाग्छ हजुर ठहरमा//
कल्पना राई
दोलखा नेपाल
हाल दक्षिण कोरिया
